Við hefjum tímann á mjúkri hreyfingu áður en við njótum tónheilunar. Tónheilun er ótrúlega áhrifarík leið til þess að slaka á og losa um uppsafnaða spennu. Líkaminn okkar er 70% vatn og tónarnir hreyfa við vatni líkamans. Við ferðumst inn að skinni, inn að beini og hreyfum við því sem liggur í dvala og leyni. Tónheilun er byggð á þeirri hugmyndafræði að allt í heiminum sé búið til úr víbringi og að með tónheilun hreyfum við tíðni frumanna í líkamanum. Spilað er á kristalskálar, kopar skálar, gong og trommur. Stundin hefst á kakó eða móatei.

Mjúk eftirmiðdags iðkun með slökun í fyrirrúmi.
Í Yin og restorative yoga er hverri stöðu haldið til nokkurra mínútna. Púðar og kubbar eru notaðir meðferðis iðkun sem gefa stuðning, halda við líkamann og gefa færi á dýpri eftirgjöf, Yin og restorative er hæglát og mjúk hreyfing.
Hver tími hefst á 100% hreinu súkkulaði eða móate þar sem við stillum okkur saman inn í rýmið og endar á kyrrð og slökun.

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í samveru með áherslu á líkamann æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun og næringu.

Í þessum tíma er lögð áhersla á að finna meðvitund um eigin líkama og líðan og markmiðið er að ná djúpri slökun. Í byrjun hvers tíma er athyglinni og öndun beint að líkamstöðum sem opna og hreyfa við orkuflæði líkamans. Við slökum á inní stöðurnar og öðlumst um leið meðvitund um eigin líðan og tilfinningar. Síðan er leidd liggjandi djúpslökun þar sem gefst tækifæri til þess að sleppa takinu á því sem við þurfum ekki lengur og með eftirgjöf er hægt að næra líkamann með nýrri orku. Spilað verður á Gong og kristalskálar í slökuninni.

Boðið verður uppá te í lok tímans.

Tíminn hefst á 100% hreinu súkkulaði þar sem við stillum okkur inn á við og leyfum kakóplöntunni að umvefja okkur og leiðbeina. Eftir það taka við mjúkar en áhrifaríkar jógaæfingar sem undirbúa röddina og líkamann fyrir möntrusöng. Möntrusöngur er mjög áhrifarík iðkun til að finna fyrir meiri vellíðan og upplifa samhljóm. Iðkendur kynnast og læra inn á eigin rödd í gegnum aldagamla texta á Sanskrit og stundum íslensku. Í samsköpun verður til einstakt rými þar sem möntrusöngurinn fær að hreyfa mjúklega við staðnaðri orku og losa um stíflur í líkama og taugakerfi. Tíminn endar á stuttri slökun.

Áhrif söngs er mikill á líkamann, taugakerfið, huga og anda. Mantra þýðir frelsi hugans og er ótrúlega öflug leið til þess að komast í hugleiðsluástand og ferðast handan takmarkana hugans, út úr áhyggjum og ótta og inn í æðruleysi og frelsi. Kyrjaðar verða frumsamdar möntrur ásamt möntrum frá öllum heimshornum. Tíminn hefst á kakó eða móa tei og endar á djúpslökun.

Dans flæði býður upp á leiðangur sjálfþekkingar - fyrir útrás og innsæi - þar sem við leyfum tónlistinni að hreyfa við okkur, líkamanum að vinda ofan af því sem er flækt, endurheimta það sem var gleymt og uppgötva það sem áður var hulið.

Tækifæri til að tengja við eðlið sem býr dýpra og vera nákvæmlega eins og við erum. Opna á sakleysi, forvitni og ævintýri. Leik og einlægni. Hvert á sinn einstaka hátt.

Uppbygging tíma:
- Kakó/te og lenda í sér
- Mild líkamsæfing
- Tónlist og frjáls hreyfing
- Slökun og tónheilun

Verið velkomin í jóga nidra!
Í upphafi hvers tíma er boðið upp á nærandi kakóbolla í núvitund með stuttri hugleiðslu, öndun og mjúkri hreyfingu.

Þaðan ferðumst við í kjarna tímans, inn í jóga nidra - leidda djúpslökun í liggjandi stöðu sem er ólík & einstök í hvert sinn.

Tónheilun er fléttað inn í nidruna, til að dýpka áhrif slökunar, vellíðunar, heilunar.

Hér gefst færi á að njóta síðdegisins í Móum í kyrrð, dýpt og endurnæringu - að koma heim í líkamann og tengjast hjartanu.

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í samveru með áherslu á líkamann æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun og næringu.

We begin class with a relaxing cup of cacao and some simple mantras. Each class contains a mini Satsang or spiritual teachings sprinkled with humour and full of heart that is relatable to one’s life. We end class lying in relaxation while receiving the healing power of sound vibrations of Gong.

Hér heiðrum við áttirnar og vættina og biðjum fyrir vernd, friði og öryggi. Við tengjumst fögnuðinum, hver og einn á sinn hátt, sama hvar við erum stödd í lífinu. Tónlistin, kyrrðin og slökunin er aldrei langt undan. Við hefjum stundina á kakóbolla eða móatei.

Í þessum tíma virkjum við heilunarkraft líkamans og gefum honum leyfi til þess að slaka á í öruggu rými Móa eftir annasama viku.

Hér blöndum við saman aðferðum Reiki heilunar með handalögnum á eigin líkama, yoga nidra æfingum og tónheilun í þeim tilgangi að róa hugann, efla hjartað og núllstilla líkamann.
Tíminn hefst á 100% hreinu kakó og/eða Móate.

Hugleiðsla, mjúk hreyfing, djúpslökun, tónheilun og tenging. Ferðumst með andardrættinum inn í kyrrðina. Stundin hefst á kakóbolla eða móatei.