Hefjum vikuna á að staldra við og finna hvar við erum stödd. Tengjum við einfaldleikann, þögnina, andardráttinn og okkar eigin rödd. Hlustum á hjartað slá, sjáum það sem við þurfum að sjá, fáum tækfiæri til að finna, nærast, muna, heyra og ljá hjartanu þá næringu og hlustun sem það á skilið. Við hefjum tímann á kakó eða móatei sem inngang að dýpri hlustun og næringu. Tíminn endar á djúpslökun með lifandi tónheilun

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í samveru með áherslu á líkamann æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun & næringu.

Frábær leið til þess að öðlast skýrleika er að skrifa. Frjáls og óritskoðuð skrif til þess að komast nær því hvað það er sem við viljum velja í lífinu. Tíminn hefst á hugleiðslu og léttum spuna æfingum til þess að tendra á sköpunarkraftinum og ögra hömlum & hugmyndum hugans. Einnig að skoða regluverkið innra með okkur með þeim ásetningi að opna hjartað & leyfa því að ráða för. Þaðan förum við inn í takmarkalaus skrif, hver og einn á sinn hátt, og endum í slökun. Við hefjum tímann á 100% hreinu kakó eða móate.

‘’Söngur ómar og vonarneistinn rís, kossinn þinn er fagur elsku hljóma mín’’
Áhrif söngs er mikill á líkamann, taugakerfið, huga og anda. Mantra þýðir frelsi hugans og er ótrúlega öflug leið til þess að komast í hugleiðsluástand og ferðast handan takmarkana hugans, út úr áhyggjum og ótta og inn í æðruleysi og frelsi. Kyrjaðar verða frumsamdar möntrur ásamt möntrum frá öllum heimshornum. Við fáum tækfæri til að skoða okkar eigin hugsanamynstur sem og ferðumst út úr þeim í átt að meira frelsi. Við styðjumst einnig við spuna og aðrar raddæfingar. Tíminn hefst á kakó eða móa tei og endar á djúpslökun.

Tónheilun er ótrúlega áhrifarík leið til þess að slaka á og losa um uppsafnaða spennu. Líkaminn okkar er 70% vatn og tónarnir hreyfa við vatni líkamans. Við ferðumst inn að skinni, inn að beini & hreyfum við því sem liggur í dvala & leyni. Tónheilun er byggð á þeirri hugmyndafræði að allt í heiminum sé búið til úr víbringi og að með tónheilun hreyfum við tíðni frumanna í líkamanum. Gongslökun er mjög áhrifarík leið til þess að losa um staðnaða orku & streitu, styrkir taugakerfið & hreinsar undirmeðvitundina. Saraswati er einn færasti tónheilarinn í heiminum í dag. Einstök upplifun sem lifir og nærir. Stundin hefst á kakó eða móatei.

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í samveru með áherslu á líkamann æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun & næringu.

Hér heiðrum við áttirnar og vættirnar í ósk um vernd, frið og öryggi. Tromman leiðir okkur inn í leiðslu neistaflugs, heilun og einstakt ferðalag hverju sinni. Við munum skapa saman með trommum & hristum, hlusta í andakt á takt auk þess að tengjast okkar eigin taktslætti, samhljómi okkar á milli og tengingu við slátt jarðar. Finnum rúmið og friðinn þegar við föllum í sama takt. Hér er velkomið að koma með sínar eigin trommur og hristur en það verða líka hljóðfæri á staðnum.
Arnar Gíslason er með okkur fyrsta fim í mánuði þar sem við hönnum okkar eigið taktverk í leik og list.
Við hefjum stundina á hreinu kakó eða móatei og endum í slökun.

Hér heiðrum við áttirnar og vættirnar í ósk um vernd, frið og öryggi. Við tengjumst fögnuðinum, hver og einn á sinn hátt, óháð því hvar við erum stödd í lífinu. Alltaf er hægt að finna neista fögnuðar sem við sameinumst um fyrir dýpri tengsl og sterkari samhljóm. Tónlistin, kyrrðin og slökunin er aldrei langt undan. VIð hefjum stundina á kakóbolla eða móatei.

Hugleiðsla, mjúk hreyfing, djúpslökun, tónheilun og tenging. Ferðumst með andardrættinum inn í kyrrðina. Stundin hefst á kakóbolla eða móatei.