Klasat për fillestarë kanë për qëllim njoftimin me praktikën e yogas, frymëmarrjes (Pranayama) dhe ushtrimet fizike (Asana). Këto seanca do të fokusohen në forcimin e trupit, lirimin e mendjes dhe krijimin e nje ekuilibri emocional. Ndikimi i yogas në personat që praktikojnë yoga shkon përtej benefiteve fizike. Përmes praktikës së yogas mësojmë më shumë për trupin tonë, mësojmë ta respektojmë limitet që i kemi dhe durimi që na nevojitet për të arritur atë që duam.

Sesione të yogas të dizajnuara për persona me eksperiencë paraprake në yoga. Gjatë këtyre sesioneve do të fokusohemi në lëvizjet të ndërlidhura njëra me tjetrën dhe të koordinuara me frymëmarrje, eksplorim të asanave më sfiduese për trup dhe mendje si dhe teknika të ndryshme. Ky program ka për synim forcimin e muskujve, tonifikimin e trupit, detoksifikimin dhe përmirësimin e resiliencës mendore.

Kjo klasë të fton të lëvizësh me ritmin e frymëmarrjes. Pozat lidhen mes tyre në një rrjedhë të butë, duke krijuar harmoni mes trupit dhe mendjes. Fillojmë ngadalë, e ngrohim trupin, dhe gradualisht ndërtojmë forcë, fleksibilitet dhe vetëdije në çdo lëvizje.

Vinyasa ndihmon në lirimin e tensionit, përmirësimin e qëndrimit dhe rritjen e energjisë gjatë ditës. Çdo praktikë ofrohet me variacione, në mënyrë që secili të punojë sipas nivelit dhe nevojave të veta.

Një klasë e përshtatshme për ata që duan të qetësojnë mendjen, të ndihen më të lehtë në trup dhe të krijojnë një lidhje më të thellë me frymën e tyre.

Yoga Nidra është teknikë e yoges që ka për qëllim relaksimin e thellë fizik, mendor dhe emocional. Sipas studimeve një orë yoga nidra është po aq relaksuese sa katër orë gjumë të thellë.

Yoga Nidra është një praktikë medituese që ju lejon të lidheni me nivele të thella të vetëdijes. Ju e gjeni veten në një moment në të cilin nuk kryen asnjë aktivitet, por thjesht ekzistoni. Në këtë mënyrë, arrihet një ndjenjë e relaksimit dhe dorëzimit të plotë. Kjo lloj praktike restorative kryhet zakonisht në vetëm një pozicion relaksues, shtrirë në shpinë. Në këtë mënyrë arrihet fokusimi në ciklin e frymëmarrjes dhe relaksimi gradual i pjesëve të trupit.

Gjatë këtij sesioni të kombinuar prej 60 minutash do të praktikojmë zgjatje të lehta trupore “ASANA”, ushtrime të frymëmarrjes dhe “YOGA NIDRA” 45 minuta.
Ju lutem kujdesuni që të visheni me rroba ku ndiheni rehat, të mos konsumoni ushqim të rëndë para sesionit dhe mund të sjellni me vete një batanije ose ckado me ju mbajt ngrohte. Gjithashtu mundeni me mar eye pillows.

SESIONI MBAHET NE GJUHËN ANGLEZE.

Sesione të yogas të dizajnuara për persona me eksperiencë paraprake në yoga. Gjatë këtyre sesioneve do të fokusohemi në lëvizjet të ndërlidhura njëra me tjetrën dhe të koordinuara me frymëmarrje, eksplorim të asanave më sfiduese për trup dhe mendje si dhe teknika të ndryshme. Ky program ka për synim forcimin e muskujve, tonifikimin e trupit, detoksifikimin dhe përmirësimin e resiliencës mendore.