Frå veke 13 i svangerskapet, inviterer vi til svangerskapsyoga. Dette er for deg som ynskjer fysisk og mental fødselsførebuing og ein mjuk start på livet til barnet. Dette er rolege og meditative yogatimar, der du får sjansen til å verkeleg kjenne på endringane i kropp og sinn. Vi trener bekkenmusklar, gjer pusteøvingar, avslapping, visualisering og meditasjon. Vi har samarbeid med jordmor undervegs, og det vert høve til å ta med fødselspartnar til nokre av timane. NB: Også postnatal yoga. Her arbeidar vi med bekkenmuskulatur, kroppen sine eine legings- og endringsprosessar, overgongen til å vere mor, djup avspenning og ro. Postnatale timar vil høve tidlegast 6 veker etter fødsel, eller 12 veker ved keisarsnitt. Vi tilrår at du kjem på postnatale timar kvar veke i minst 3 månader før du supplerer med tekniske- og sekvenstimar.

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.

Allmenningen inviterer til samlinger om kva det vil seie å være kvinne. I desse samlingene har vi stor takhøgde og tek imot tanker og erfaringar med ope sinn. Vi diskuterer, mediterer, og fortel fortellingane våre. Frå tid til anna inviterer vi gjestar til å halde foredrag. Samlingane er gratis, og åpne for alle. Tema for denne samlinga er Korleis Måler du Suksess. Samlinga vert leia av Ingvild, som er holistisk terapeut, yoga instruktør, sosialantropolog og sosial entrepreneur.