Vi inviterer til svangerskapsyogakurs. Rolege timar med små grupper, for gravide frå veke 13 i svangerskapet. Kurset høver for alle gravide, også for deg med bekkenplagar, og som ikkje er kjend med yoga frå før :-) Vi trener bekkenmusklar, gjer pusteøvingar, avslapping, visualisering og meditasjon.

Dette er for deg som ynskjer fysisk og mental fødselsførebuing og ein mjuk start på livet til barnet. Dette er rolege og meditative yogatimar, der du får sjansen til å verkeleg kjenne på endringane i kropp og sinn, og førebu deg til fødselen og tida etterpå. Det vert høve til å ta med fødselspartnar til nokre av timane.

"Jeg anbefaler svangerskapsyoga på det varmeste til alle som skal føde. Det var deilig å ha en oase av fred og velvære i en hektisk hverdag gjennom svangerskapet. I tillegg, hjelper det VIRKELIG å redusere smerter under fødselen. Jeg kan ikke tenke meg en bedre gave til den blivende mor! Lykke til med svangerskapet og fødselen!"
Reyes, tidlegare deltakar

Pris: 1200kr. Betal med kort på første timen.

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

12-vekers kurs for Bergen Revmatikerforening. Tema: Meistring & Livskvalitet.

Dette er eit 6-vekers yogakurs for deltakarar med kroniske tilstandar. Vi gjer varsame, rolege rørsler innanfor det som er komfortabelt og trygt for kvar einskild deltakar. Vi jobbar mykje med pusten, kjernemuskulaturen og ryggen i timane,og får ein djup avkobling og kvile. Vi har fokus på meistring og livskvalitet, samt problematikk tilknytta kroniske tilstander.

Kurset har lav terskel: deltakarane sit på stolar i byrjinga og styrker musklar varsamt for betre haldning. Deltakaren har tid til å kjenne på eigne grenser og meistring.

Mange av teknikkane kan gjerast heime når du har lært dei. Etter kurset vil du ha nok kunnskap til å ta del i dei andre yogatimane våre. Gler oss til å sjå deg!

Kurset høver særskilt godt for deg som aldri har vore på yoga før. Pris: 1200kr, betaling med kort på første timen.

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.

Vi er ferdige med Energizing Body & Mind-programmet, og gjer oss klare til påskeferie. Kanskje du treng ei lita pause for å stresse ned før ferien? Vi inviterer til miniretreat: tre vakre timar med yoga, meditasjon, pust og kvile. Miniretreat gjev deg ei pause i kvardagen, sjanse til å nullstille deg, og ta litt ekstra vare på deg sjølv. For miniretreats må vi ha påmelding seinast dagen før. Pris: 500kr. per deltakar. NB: Månadskort og klippekort gjeld ikkje for miniretreats.