Vi inviterer til kurs i svangerskapsyoga. Rolege timar med små grupper, for gravide frå veke 13 i svangerskapet. Kurset høver for alle gravide, også for deg med bekkenplagar, og som ikkje er kjend med yoga frå før :-) Vi trener bekkenmusklar, gjer pusteøvingar, avslapping, visualisering og meditasjon.

Dette er for deg som ynskjer fysisk og mental fødselsførebuing og ein mjuk start på livet til barnet. Dette er rolege og meditative yogatimar, der du får sjansen til å verkeleg kjenne på endringane i kropp og sinn, og førebu deg til fødselen og tida etterpå. Det vert høve til å ta med fødselspartnar på den siste timen. Dette er ein unik periode i livet, som dannar grunnlaget for så mykje av det som kjem etter. Finn tid til å passe på deg sjølv no, og få gode vaner som tener deg heile resten av livet…

Pris: 1000kr. Betal med kort på første time.

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

16 vekers vårkurs for Begen Revmatikerforening

16 vekers vårkurs for Begen Revmatikerforening

Pause, avkopling, opplading og sjølvomsorg. Somme tider treng vi litt ekstra støtte, litt ekstra tid til oss sjølve. Til å puste, til å lande. Miniretreats kan være løysinga for deg: her får du tre timar med rolege, særskilt tilpassa yogasekvenser, meditasjonar, pusterørsler og kvile. Du får tid til å nullstille deg.

Vi tilbyr miniretreats med jamne mellomrom. Dei kjem inn som ein mjuk avslutting på yogaprogrammet, eller andre ting.

Miniretreat høver for deg som kjem på yogatimane våre jamnleg, og for deg som gjerne vil, men ikkje har tid. I miniretreatane våre får du reiskaper til sjølvomsorg, her er det du – og heile du – som står i sentrum. Alle rørslene er gode og vare, pusterørslene mjuke og meditasjonane gode og komfortable. Dette er ein trygg stad å være.

Pris: 500kr. per deltakar/400kr. student

16 vekers vårkurs for Begen Revmatikerforening

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.