Vi inviterer til kurs i svangerskapsyoga. Rolege timar med små grupper, for gravide frå veke 13 i svangerskapet. Kurset høver for alle gravide, også for deg med bekkenplagar, og som ikkje er kjend med yoga frå før :-) Vi trener bekkenmusklar, gjer pusteøvingar, avslapping, visualisering og meditasjon.

Dette er for deg som ynskjer fysisk og mental fødselsførebuing og ein mjuk start på livet til barnet. Dette er rolege og meditative yogatimar, der du får sjansen til å verkeleg kjenne på endringane i kropp og sinn, og førebu deg til fødselen og tida etterpå. Det vert høve til å ta med fødselspartnar på den siste timen. Dette er ein unik periode i livet, som dannar grunnlaget for så mykje av det som kjem etter. Finn tid til å passe på deg sjølv no, og få gode vaner som tener deg heile resten av livet…

Pris: 1000kr. Betal med kort på første time.

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

Vi inviterer til det populære Osteoyogakurset vårt: i 6 veker gjer vi rørsler, sekvensar, pusteøvingar og avspenning som er skreddarsydd for deltakarar med osteoporose og osteopeni. Så langt vi veit, er vi dei einaste i heile Hordaland med yogatilbod til denne deltakargruppa.

Dette kurset byggjer på Osteoyoga-kurset,og ligg tettare opp mot dr. Fishman si metode. Her vert det litt tyngre utfordringar for deg som har bygga opp litt styrke og balanse. Det er du som set grensene - alt skal kjennast trygt og komfortabelt :-)

Det er mykje forsking på osteoporose for tida, vi kjem til å kome innom dette også på kurset. Dette kurset er inspirert av arbeidet til Margaret Martin og Dr. Lauren Fishman. Mange av teknikkane kan gjerast heime når du har lært dei. Etter kurset vil du ha nok kunnskap til å ta del i dei andre yogatimane våre.

1200kr. per deltakar. Betalast med kort på første timen.

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.