Fokus på Rygg er eit kurs på 6 samlinger særskilt for deltakarar med ryggproblem. I 6 veker gjer vi rørsler, sekvenser og avspenning, og lærer teknikkar som gjev ryggen styrke, fleksibilitet og vedlikehald. Du er garantert ikkje for stiv til å ta del!
Få eit betre forhold til ryggen din :-)

1200kr/960kr per deltakar. Betal med kort på første timen.

Etter kurset vil du ha nok kunnskap til å ta del i dei andre yogatimane våre. Gler oss til å sjå deg!

Les meir om forsking på Dru yoga her: https://druyoga.com/research/dru-yoga-research-results

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

16-vekers yogakurs for medlemmar av Bergen Revmatikerforening

16-vekers yogakurs for medlemar av Bergen Revmatikerforening

Treng du ein god start på 2020?

Allmenningen Yoga inviterer til yogakurs særskilt utarbeida for vaksne (16+) medlemmer av ADHD Norge Hordaland, med oppstart onsdag 15. januar.


Kurset varer 8 veker. Dette er kurs som høver både for deg som har gjort yoga tidlegare, og for deg som aldri har sete føtene på ei yogamatte. Etter kurset vil du ha kjennskap til fleire yogateknikkar som kan brukast i kvardagen. Du vil også ha nok kunnskap til å ta del i andre yogatimer hjå Allmenningen yoga.

På kurset startar yogatimen med introduksjon og litt info om musklane vi skal arbeide med. Så gjer vi ei oppvarming, før vi tek fatt på dei andre rørslene. Vi får også med oss pusteøvingar, og til sist gjer vi ei avslapping på golvet. Det er viktig at du kjem i god tid til timen, omlag 10 min. før start. Då har du fått gjort deg klar og senka skuldrene før vi tek fatt.

Yoga høver godt for deg med ADHD fordi det gjev ro i kropp og sinn, og det kan hjelpe med å halde fokus. Vi øver opp kommunikasjonen mellom hovudet og kroppen, får betre kontakt med kroppen, og lærer gode triks for kvardagsmeistring.

Praktisk:
Påmelding sender du til: yogakurs@adhdvestland.org
Pris for medlemmar: 900kr.
Pros for ikkje-medlemmar: 1200kr.

Bindande påmelding innan 23. desember.
Maks. 15 deltakarar.

Dersom du ikkje har høve til å ta del ein dag, informer instruktøren på epost.

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.

Kurset er for deg som ynskjer fysisk og mental fødselsførebuing og ein mjuk start på livet til barnet :-)

Dette er rolege og meditative yogatimer, der du får sjansen til å verkeleg kjenne på endringane i kropp og sinn, og førebu deg til fødselen og tida etterpå.

Samlingane byrjar med ein liten oppvarming før vi tek fatt på rørslene. Det vert også pusteøvingar, trening av bekkenmuskler, fødselsførebuing, visualisering og avspenningsteknikkar. Dei som vil, kan stå, men det er fritt fram for å sitte på stol mesteparten av samlinga. Det viktigaste er at du tek omsyn kroppen din.

Vi skal ned og ligge på golvet for nokre av øvingane i samlinga. Vi skal også ligge på golvet i avslappinga i slutten av timen - men du kan sjølvsagt sitje på stol dersom det er meir komfortabelt for deg. Du ser sjølv kva du har bruk for :-)

Målet med kurset er at du lærer teknikkar som du kan ta med deg vidare, og verte ein del av reiskapene dine gjennom svangerskap, fødsel og vidare i livet. Det vert høve til å ta med seg fødselspartnar til den siste timen.


Pris: 1200kr

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.