I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

På dette kurset går vi djupt inn i chakrafilosofi, historie og psykologi. Vi gjer nydelege yogasekvenser og rørsler, meditasjonar og pusteøvingar som tek deg djupare inn i utforskinga av chakra. Dette kurset er starten på ei spanande reise inn i stadig aukande sensitivitet og merksemd i kroppen og omgjevnadane våre. I fire veker (doble timar) arbeider vi intensivt med denne tematikken og vert betre kjende med oss sjølve.

Pris: 1840kr / 1472kr student

Dette er eit 8-vekers kurs i samarbeid med ADHD Norge Hordaland. Kurset høver særs godt for nybyrjarar, og er ope for alle. Prisar: Medlemmar av ADHD Norge: 1467kr. Ikkje-medlemmar: 1840kr.

Nye smitteverntiltak er på plass (https://www.allmenningen.org/covid-19-smitteverntiltak/), merk at det ikkje er mogeleg å låne yogamatte no.

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.