Í þessum 90 mínútna Iyengar-jógatíma er lögð áhersla á nákvæmni, líkamsvitund og góða tækni í stöðunum. Tíminn byggir upp styrk, liðleika, jafnvægi og einbeitingu með skýrum leiðbeiningum og einstaklingsmiðaðri nálgun. Notast er við ýmis hjálpartæki eins og kubba, belti, teppi og stóla sem gera öllum kleift að vinna út frá eigin getu. Tímanum lýkur með slökun sem stuðlar að ró og endurnæringu fyrir líkama og huga.

Í þessum tímum erum við í jógastöðum sem við höldum sitjandi eða liggjandi í 1-5 mínútur. Við notum pullur, teppi, kubba ofl til að finna útfærsluna sem hentar mismunandi líkömum og gefum okkur tíma til að láta uppsafnaða spennu líða úr líkamanum. Með djúpum teygjum og pressu í stöðunum mýkist bandvefur í vöðvum og liðum og taugakerfið róast.
Tímarnir henta jafnt byrjendum sem vönum iðkendum.

Í þessum tímum er góð upphitun, einfalt flæði (vinyasa) og svo stöður (asana). Áhersla er lögð á öndunina í hverri stöðu og stöðunum er haldið lengur en í flæðitímum. Stöðurnar eru aðlagaðar öllum getustigum.
Allir tímar enda á slökun.

Líflegur og nærandi morguntími sem hjálpar þér að vakna inn í daginn með aukinni orku, styrk og einbeitingu. Unnið er með klassískar Iyengar-jógastöður þar sem áhersla er lögð á nákvæmni, góða líkamsbeitingu og meðvitaða öndun. Hjálpartæki eru notuð eftir þörfum til að styðja við iðkunina og gera hana aðgengilega fyrir mismunandi getu. Tímanum lýkur með stuttri slökun sem skilur eftir tilfinningu fyrir jafnvægi, skýrleika og vellíðan.

Nærandi og uppbyggilegur jógatími sem hjálpar þér að færa athyglina frá amstri dagsins yfir í meiri ró og jafnvægi. Unnið er með klassískar Iyengar-jógastöður þar sem áhersla er lögð á nákvæmni, styrk, liðleika og líkamsvitund. Kennslan er skýr og hjálpartæki notuð eftir þörfum til að styðja við iðkunina og gera hana aðgengilega fyrir alla. Tíminn stuðlar að betri líkamsstöðu, auknum stöðugleika og meiri vellíðan í líkama og huga og lýkur með slökun sem undirbýr þig fyrir rólegt kvöld.

Hvílandi iðkun til að hlaða batteríin. Flestar æfingar eru gerðar liggjandi á gólfi og krefjast ekki styrks né liðleika. Notaleg stund til að byggja sig upp og hlúa að sér.

Rólegt Yin jóga. Hentar öllum getustigum. Flestar æfingar gerðar á gólfi. Yin byggir á djúpum teygjum á bandvef líkamans.

Hefðbundið Hatja jóga með fjölbreyttum jógastöðum og stundum jógaflæði.