Þetta námskeið er ætlað þeim sem hafa áður stundað jóga og vilja dýpka skilning sinn og þróa iðkun sína áfram. Kennslan byggir á Iyengar Yoga, sem leggur áherslu á nákvæmni, stöðugleika og markvissa uppbyggingu bæði líkama og hugar.

Í tímunum vinnum við með Restorative jógastöður, öndun og djúpa hvíld. Allur búnaður er til staðar og stöðurnar eru lagaðar að hverjum og einum.
Rannsóknir á jóga og restorative iðkun benda til þess að regluleg iðkun geti dregið úr upplifaðri streitu og kvíða og stutt við betri svefn og almenna líðan. Í Restorative jóga er líkaminn studdur í stöðunum svo hægt sé að dvelja í þeim án mikillar áreynslu, með áherslu á rólega öndun og djúpa hvíld. Það getur hjálpað okkur að færa okkur úr stöðugri virkni yfir í meiri ró og endurheimt.

Velkomin í slökun og ró.

Iyengar jóga er markviss og nákvæmur jógastíll þar sem unnið er með líkamsstöðu, styrk, liðleika og jafnvægi. Stöðurnar eru kenndar skref fyrir skref og notaðir eru hjálparhlutir eins og kubbar, belti, teppi og stólar svo hver og einn geti unnið út frá eigin líkama og getu. Tíminn hentar bæði byrjendum og lengra komnum.