Í upphafi stundarinnar er boðið upp á 100% hreint kakó og íslenskt jurtate. Við lendum með hugleiðslu og mjúkri hreyfingu. Þaðan býðst fólki að leggjast niður fyrir Jóga nidra, inn í leidda djúpslökun og tónheilun. Hver tími er einstakur og leiddur í djúpri hlustun við hópinn. Kyrrð, innri tenging, endurnæring og tenging við náttúruna er rauður þráður í tímunum.

Við hefjum stundina á hugleiðslu og öndun, með hreinu kakói og íslensku jurtate.

KRAFTUR: Virkjum lífsorkuna og tengjumst líkamanum með tónlistinni. Upphitun þar sem við liðkum og losum um líkamann. Þaðan ferðumst við inn í dansandi hreyfiflæði, blöndu af leiddum æfingum og frjálsu flæði. Áhersla er lögð á að öll hlusti á sinn líkama og finni sitt flæði í hreyfingunni.

KYRRÐ: Í seinni hluta tímans býðst fólki að leggjast niður í endurnærandi jóga nidra og/eða tónheilun. Djúpslökun, innra ferðalag, kyrrð og ró.

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í morgunjóga æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun og næringu.

Qigong er ævafornt heilsukerfi sem má lýsa sem hreyfandi hugleiðslu.
Í tímanum nýtum við hugleiðslu, hugleiðingu, núvitund, öndunaræfingar og mjúkar hreyfingar sem undirbúning fyrir dýpri tengingu innávið sem qigong býður upp á. Einfaldar qigong hreyfingar og stöður eru endurteknar nokkrum sinnum til þess að komast í hugleiðsluástand, róa taugakerfi og losa um staðnaða orku. Þar fáum við tækifæri til þess að sjá, skynja og mæta því sem kemur upp og efla tengingu við sjálfið og heildina.
Við lokum tímanum með gongheilun og öðrum ljúfum tónum.
Stundin hefst á 100% hreinu kakói og móate.

Áhrif söngs er mikill á líkamann, taugakerfið, huga og anda. Mantra þýðir frelsi hugans og er ótrúlega öflug leið til þess að komast í hugleiðsluástand og ferðast handan takmarkana hugans, út úr áhyggjum og ótta og inn í æðruleysi og frelsi. Kyrjaðar verða frumsamdar möntrur ásamt möntrum frá öllum heimshornum. Tíminn hefst á kakó eða móa tei og endar á djúpslökun.

Áhrif söngs er mikill á líkamann, taugakerfið, huga og anda. Mantra þýðir frelsi hugans og er ótrúlega öflug leið til þess að komast í hugleiðsluástand og ferðast handan takmarkana hugans, út úr áhyggjum og ótta og inn í æðruleysi og frelsi. Kyrjaðar verða frumsamdar möntrur ásamt möntrum frá öllum heimshornum. Tíminn hefst á kakó eða móa tei og endar á djúpslökun.

Í þessum tíma komum við heim í líkamann okkar með öndun og gong slökun og gefum líkamanum færi á að hlaða sig í öruggu rými Móa.
Við hefjum stundina á sitjandi hugleiðslu með kakó eða íslensku jurtatei við hönd og hjarta. Þaðan ferðumst við inn í heim hljóða og öndunar til að virkja innri krafta líkamans. Í kjölfarið er í boði að leggjast niður á dýnuna og njóta slökunar undir titringi gongsins sem hefur þann einstaka eiginleika að jafna orku líkamans.
Tónar gongsins hreyfa við vatni líkamans og þar með öllum frumum líkamans. Rannsóknir sýna að 20 mínútna gong slökun getur aukið taugaleiðni, nært frumur og minnkað bólgur.
Vertu velkomið!

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í samveru með áherslu á líkamann æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun og næringu.

This is a yin yoga inspired restorative class, with a focus on breath, relaxation and release. The session always begins with cacao or tea, followed by soft movement and long restorative poses, then ends with deep relaxation accompanied with live music.

Í Yin yoga tímunum er leitt inn í teygjur nálægt gólfi, þar sem miðað er við að ná að slaka vel á í stöðunni og halda henni kyrrð í 2-3 mínútur. Í hverri stöðu gefst tækifæri til að opna í stutta hugleiðslu og kennslan er tvinnuð við grunnatriði núvitundar. Iðkunin skapar djúpa hlustun á líkamann og hans mörk, því öll nálgun er út frá mildi og virðingu við eigin skynjun - að treysta sér og þjálfa að velja það sem virkar vel fyrir sig. Í Yin yoga getur losnað um staðnaða orku og tilfinningar, létt á spennu og opnað fyrir flæði.
Í upphafi tímans er boðið upp á kakó/te og slökun í lokin.

Hér heiðrum við áttirnar og vættina og biðjum fyrir vernd, friði og öryggi. Við tengjumst fögnuðinum, hver og einn á sinn hátt, sama hvar við erum stödd í lífinu. Tónlistin, kyrrðin og slökunin er aldrei langt undan. Við hefjum stundina á kakóbolla eða móatei.

Í þessum tíma virkjum við heilunarkraft líkamans og gefum honum leyfi til þess að slaka á í öruggu rými Móa eftir annasama viku.

Hér blöndum við saman aðferðum Reiki heilunar með handalögnum á eigin líkama, yoga nidra æfingum og tónheilun í þeim tilgangi að róa hugann, efla hjartað og núllstilla líkamann.
Tíminn hefst á 100% hreinu kakó og/eða Móate.

Hugleiðsla, mjúk hreyfing, djúpslökun, tónheilun og tenging. Ferðumst með andardrættinum inn í kyrrðina. Stundin hefst á kakóbolla eða móatei.

Byrjum tímann á því að fá okkur kakó og fræðumst um kriyiu dagsins. Kriya er æfingaröð eða jógasett sem vinnur að ákveðnu markmiði. Það gæti verið fyrir ákveðin líffæri, orkustöðvar, sumar kriyr eru hannaðar sérstaklega fyrir taugakerfi. Eftir æfingaröðina förum við í slökun og tökum á móti áhrifunum og látum líkamann vinna úr þeim heilsusamlegu boðefnum sem við náðum að örva. Við endum svo ávallt á hugleiðslu.
Ath æfingasettin og hugleiðslurnar eru ótalmargar og ásetningur tímanna með þó uppsetning sé með svipuðu sniði.