Vi inviterer til svangerskapsyogakurs. Rolege timar med små grupper, for gravide frå veke 13 i svangerskapet. Kurset høver for alle gravide, også for deg med bekkenplagar, og som ikkje er kjend med yoga frå før :-) Vi trener bekkenmusklar, gjer pusteøvingar, avslapping, visualisering og meditasjon.

Dette er for deg som ynskjer fysisk og mental fødselsførebuing og ein mjuk start på livet til barnet. Dette er rolege og meditative yogatimar, der du får sjansen til å verkeleg kjenne på endringane i kropp og sinn, og førebu deg til fødselen og tida etterpå. Det vert høve til å ta med fødselspartnar til nokre av timane.

"Jeg anbefaler svangerskapsyoga på det varmeste til alle som skal føde. Det var deilig å ha en oase av fred og velvære i en hektisk hverdag gjennom svangerskapet. I tillegg, hjelper det VIRKELIG å redusere smerter under fødselen. Jeg kan ikke tenke meg en bedre gave til den blivende mor! Lykke til med svangerskapet og fødselen!"
Reyes, tidlegare deltakar

Pris: 1200kr. Betal med kort på første timen.

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

12-vekers kurs for Bergen Revmatikerforening. Tema: Meistring & Livskvalitet.

Vi inviterer til det populære Osteoyogakurset: i 6 veker gjer vi rørsler, sekvensar, pusteøvingar og avspenning som er skreddarsydd for deltakarar med osteoporose og osteopeni.

Deltakarane sit på stolar i byrjinga og styrker musklar varsamt for betre haldning. Deltakarane har tid til å kjenne på eigne grenser og meistring. Det vert fokus på korleis ein kan trygt røre seg samstundes som kroppen styrkast og trenast. Vi arbeider med balanse, koordinasjon, livskvalitet, tryggleik og meistring.

Mange av teknikkane kan gjerast heime når du har lært dei. Etter kurset vil du ha nok kunnskap til å ta del i dei andre yogatimane våre. Gler oss til å sjå deg!

Pris: 1200kr. Betaling med kort på første timen.