Dette kurset er for deg som har ryggproblem, eller som er ny til Dru yoga. I 6 veker gjer vi rørsler, pust og avspenning, og lærer teknikkar som gjev ryggen styrke, fleksibilitet og vedlikehald.

Pris: 1380kr/1104kr student

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

Dru yoga er ei blanding av yoga, tai chi og qi gong. Her får du mjuk og var yoga, rolege rørsler og pust som gjer godt i kropp og sinn. Alle yogatimane handlar om å kjenne meistring, og å arbeide med kroppen. Alt skal kjennest godt, heile tida.

Vi får innsikt i anatomi, gjer ei oppvarming, yogasekvensar, rørsler, meditasjon og avslapping. Sjå her for meir info: https://www.allmenningen.org/yoga/

Timane vil gje djup stille og ro, ei kjensle av meistring, generell styrking av kropp, balanse og koordinasjon og avspenning. Dersom du kjem for å arbeide med særskilte tema, til dømes jobbstress eller legingsprosessar, tilrår eg at du kjem på meir enn ein yogatime kvar veke.

Timen høver for alle - du kan låne matte, pute og stol. Ta med drikke, eit pledd til avspenninga og evt. eige yogautstyr.

230kr/184kr. student. Betal med kort før timen.