Dette er eit kurs for deg som vil kome i gong med pustetrening. På dette 4-vekers kurset lærer vi litt om anatomi og korleis pusten fungerer. Vi gjer rørsler og strekkar for å legge til rette for at pusten kan flyte, og som styrker pustemuskulaturen. Vi lærer pusteøvingar som balanserer og roar kroppen, og som du kan trene vidare på heime. Vi trener også på kvile og avspenning. Alt skal kjennest godt heile tida.

Pustekurset er ei vidareutvikling av sjølvomsorgsprosjektet - sjå meir info her: https://www.allmenningen.org/sjolvomsorg/

- Eg kvalifiserte nyleg til Breath Coach, så dette kurset er heilt nytt. Spør meg om noko er uklart, og så sjåast vi på matta :-)

Pris: 920kr/738 student

I ein teknisk time ser vi på detaljane i korleis vi utfører ei rørsle, vi ser på musklar og ledd, og på kva rørsla gjer og korleis ho kan nyttast. Her jobbar vi med koordinasjon, balanse og kroppskontroll. Vi kjem framleis til å ha oppvarming, ein EBR eller sekvens, meditasjon og avslapping. Desse timane vil gje innføring, oppfrisking og mestring i dei ulike rørslene, og vi tilrår at alle tek del i minst ein teknisk time kvar månad. Dersom du kjem for å jobbe med og styrke eller mjuke opp spesifikke ledd og musklar, eller er ny til yoga, tilrår vi at du tek tekniske timar kvar veke.

Dette er eit 8-vekers kurs i samarbeid med ADHD Norge Hordaland. Kurset høver særs godt for nybyrjarar, og er ope for alle.


Prisar: Medlemmar av ADHD Norge: 1467kr. Ikkje-medlemmar: 1840kr.

I ein sekvenstime arbeidar vi med heilheita, vi rører oss frå ein posisjon til ein anna, og arbeidar med intensjonar og endringsprosessar. Desse timane er stillare, vi jobbar djupare med pusten og indre prosessar. Vi kjem til å ha oppvarming, ein EBR og sekvens, meditasjon og avslapping. Desse timane vil gje djup stille og ro, ei kjensle av mestring, generell styrking av kropp, balanse og koordinasjon og avspenning, og vi tilrår at alle tak del sekvenstimar kvar veke. Dersom du kjem for å arbeide med særskilte tema, til dømes jobbstress eller legingsprosessar, tilrår vi at du kjem på meir enn ein sekvenstime kvar veke.