Í upphafi stundarinnar er boðið upp á 100% hreint kakó og íslenskt jurtate. Við lendum með hugleiðslu og mjúkri hreyfingu. Þaðan býðst fólki að leggjast niður fyrir Jóga nidra, inn í leidda djúpslökun og tónheilun. Hver tími er einstakur og leiddur í djúpri hlustun við hópinn. Kyrrð, innri tenging, endurnæring og tenging við náttúruna er rauður þráður í tímunum.

Fjölbreyttar líkamsæfingar með áherslu á líkamsvitund, liðleika og styrk. Nálgunin einkennist af forvitni og hlustun og fléttar Áróra saman bakgrunn sinn úr heilbrigðisverkfræði, yoga og ýmsum nýrri fræðum líkamsþjálfunar til að bjóða heildræna nálgun á iðkunina. Tíminn hefst á kakó og/eða tesopa.

Í Yin yoga tímunum er leitt inn í teygjur nálægt gólfi, þar sem miðað er við að ná að slaka vel á í stöðunni og halda henni kyrrð í 2-3 mínútur. Í hverri stöðu gefst tækifæri til að opna í stutta hugleiðslu og kennslan er tvinnuð við grunnatriði núvitundar. Iðkunin skapar djúpa hlustun á líkamann og hans mörk, því öll nálgun er út frá mildi og virðingu við eigin skynjun - að treysta sér og þjálfa að velja það sem virkar vel fyrir sig. Í Yin yoga getur losnað um staðnaða orku og tilfinningar, létt á spennu og opnað fyrir flæði.
Í upphafi tímans er boðið upp á kakó/te og slökun í lokin.

Byrjum tímann á því að fá okkur kakó og fræðumst um kriyiu dagsins. Kriya er æfingaröð eða jógasett sem vinnur að ákveðnu markmiði. Það gæti verið fyrir ákveðin líffæri, orkustöðvar, sumar kriyr eru hannaðar sérstaklega fyrir taugakerfi. Eftir æfingaröðina förum við í slökun og tökum á móti áhrifunum og látum líkamann vinna úr þeim heilsusamlegu boðefnum sem við náðum að örva. Við endum svo ávallt á hugleiðslu.
Ath æfingasettin og hugleiðslurnar eru ótalmargar og ásetningur tímanna með þó uppsetning sé með svipuðu sniði.

gongheilun með öðrum ljúfum tónum.
Stundin hefst á 100% hreinu kakói og móate.

Tíminn hefst á kakó/tesopa. Þaðan vekjum við lífsorkuna með hugleiðslu & æfingum. Kyrjum nokkrar möntrur og njótum slökunar.

Við hefjum morguninn á 100% hreinu kakói og móate, ásamt hugleiðslu og íhugun dagsins.
Þar á eftir taka við öndunaræfingar og qigong hreyfingar sem styrkja orkuflæðið, róa taugakerfið og dýpka tengingu við núið. Þannig opnum við rými fyrir innsýn, sjálfstengingu og tengsl við heildina.

Qigong er ævaforn iðkun sem sameinar hreyfingu, öndun og einbeitingu. Eins konar hreyfihugleiðsla sem nærir líkama og huga, kallar fram innri ró og stillir okkur inn fyrir daginn.

Við ljúkum stundinni með gongheilun og nærandi tónum sem styðja jafnvægi og vellíðan inn í daginn.

Áhrif söngs er mikill á líkamann, taugakerfið, huga og anda. Mantra þýðir frelsi hugans og er ótrúlega öflug leið til þess að komast í hugleiðsluástand og ferðast handan takmarkana hugans, út úr áhyggjum og ótta og inn í æðruleysi og frelsi. Kyrjaðar verða frumsamdar möntrur ásamt möntrum frá öllum heimshornum. Tíminn hefst á kakó eða móa tei og endar á djúpslökun.

Dans og Flæði:
Tíminn sameinar flæðandi yogaæfingar, kröftugar öndunaræfingar og spunadans. Hér lærir þú að tengjast líkamanum á nýjan hátt og njóta ánægjunnar af því að hreyfa þig – án þess að þurfa nokkra dansreynslu.

Þú færð frelsi til að fylgja þinni eigin leið í gegnum leiðbeiningar kennarans, á þinn hátt og í þínu flæði.

Áherslan er á að efla styrk, liðleika og ímyndunaraflið, losa um spennu, virkja sprengikraftinn og skapa sátt í eigin líkama – allt í öruggu og nærandi andrúmslofti.

Hér er allt leyfilegt – ekkert er rétt eða rangt.
Tíminn endar á möntrusöng, hugleiðslu og djúpri slökun.

Í lokin er boðið upp á kakó og te.

Teygjur og slökun er tími sem sameinar mjúkar yogateygjur, meðvitaða hreyfingu og hugleiðslu. Við leggjum sérstaka áherslu á bak og mjaðmir – svæði sem safna oft spennu og stífleika í daglegu lífi.
Með markvissum teygjum verður líkaminn mýkri, liðleiki eykst og hreyfingin verður frjálsari. Við vinnum jafnframt með milda virkjun í kviðnum til að styðja við bakið og skapa heilbrigðan grunn fyrir jafnvægi og styrk.
Tíminn endar á djúpri slökun og hugleiðslu þar sem þú færð að sleppa tökunum, róa hugann og endurnærast. Þetta er stund sem nærir bæði líkama og sál – og þú gengur út með léttleika og frjálsari hreyfingu.

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í samveru með áherslu á líkamann æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun og næringu.

Draumferð er ferðalag inn á við.

Við hefjum tímann á því að kalla inn áttirnar, vernd og vætti og gæðum okkur á 100% kakói eða íslensku jurtatei.

Í gegnum leiðsögn, trommuslátt og hugleiðslu leggjum við af stað í draumferð, innra ferðalag þar sem innsæi, viska og tenging við andlega veröld opnast.

Draumferðin er verkfæri til að hlusta – ekki með eyrunum, heldur hjartanu.

Tíminn hentar öllum þeim sem vilja staldra við, dýpka tengslin við eigin visku og opna fyrir nýja sýn.

Tíminn endar á slökun.

Byrjum tímann á því að fá okkur kakó og fræðumst um kriyiu dagsins. Kriya er æfingaröð eða jógasett sem vinnur að ákveðnu markmiði. Það gæti verið fyrir ákveðin líffæri, orkustöðvar, sumar kriyr eru hannaðar sérstaklega fyrir taugakerfi. Eftir æfingaröðina förum við í slökun og tökum á móti áhrifunum og látum líkamann vinna úr þeim heilsusamlegu boðefnum sem við náðum að örva. Við endum svo ávallt á hugleiðslu.
Ath æfingasettin og hugleiðslurnar eru ótalmargar og ásetningur tímanna með þó uppsetning sé með svipuðu sniði.

Hér heiðrum við áttirnar og vættina og biðjum fyrir vernd, friði og öryggi. Við tengjumst fögnuðinum, hver og einn á sinn hátt, sama hvar við erum stödd í lífinu. Tónlistin, kyrrðin og slökunin er aldrei langt undan. Við hefjum stundina á kakóbolla eða móatei.

Í þessum tíma virkjum við heilunarkraft líkamans og gefum honum leyfi til þess að slaka á í öruggu rými Móa eftir annasama viku.

Hér blöndum við saman aðferðum Reiki heilunar með handalögnum á eigin líkama, yoga nidra æfingum og tónheilun í þeim tilgangi að róa hugann, efla hjartað og núllstilla líkamann.
Tíminn hefst á 100% hreinu kakó og/eða Móate.

Flæðandi yoga-æfingar, kröftugar öndunaræfingar og spunadans. Hvert og eitt fær frelsi til að fara sína eigin leið með því að tengjast líkamanum, efla ímyndunaraflið og hlusta á innri takt með skynjun að leiðarljósi.
Áhersla er á að finna frelsið í flæðinu, losa um spennu, bæta liðleika og úthald, beita sprengikrafti, finna sátt í eigin líkama og fá útrás í öruggu andrúmslofti.

Í þessum tíma er allt leyfilegt og ekkert rétt eða rangt. Tíminn endar á möntrusöng, hugleiðslu og slökun.

Boðið er upp á kakó og te í timanum.

Byrjum tímann á því að fá okkur kakó og fræðumst um kriyiu dagsins. Kriya er æfingaröð eða jógasett sem vinnur að ákveðnu markmiði. Það gæti verið fyrir ákveðin líffæri, orkustöðvar, sumar kriyr eru hannaðar sérstaklega fyrir taugakerfi. Eftir æfingaröðina förum við í slökun og tökum á móti áhrifunum og látum líkamann vinna úr þeim heilsusamlegu boðefnum sem við náðum að örva. Við endum svo ávallt á hugleiðslu.
Ath æfingasettin og hugleiðslurnar eru ótalmargar og ásetningur tímanna með þó uppsetning sé með svipuðu sniði.

Hugleiðsla, mjúk hreyfing, djúpslökun, tónheilun og tenging. Ferðumst með andardrættinum inn í kyrrðina. Stundin hefst á kakóbolla eða móatei.