Við hefjum tímann á mjúkri hreyfingu áður en við njótum tónheilunar. Tónheilun er ótrúlega áhrifarík leið til þess að slaka á og losa um uppsafnaða spennu. Líkaminn okkar er 70% vatn og tónarnir hreyfa við vatni líkamans. Við ferðumst inn að skinni, inn að beini og hreyfum við því sem liggur í dvala og leyni. Tónheilun er byggð á þeirri hugmyndafræði að allt í heiminum sé búið til úr víbringi og að með tónheilun hreyfum við tíðni frumanna í líkamanum. Spilað er á kristalskálar, kopar skálar, gong og trommur. Stundin hefst á kakó eða móatei.

Í þessum tíma er rannsakað samspil krafts og mýktar og hvernig andlegt heilbrigði og líkamlegt hreysti býr til undirstöður og öryggi svo hægt sé að dvelja í mildinni í dagsdaglegu lífi.

Með önduraræfingum og virkum teygjum kveikjum við á líkamanum til að finna þrótt hans og kraft. Á þeirri öldu siglum við svo í slökun og ljúfa möntrusöngva og stillum okkur af fyrir komandi viku.

Í Yin yoga tímunum er leitt inn í teygjur nálægt gólfi, þar sem miðað er við að ná að slaka vel á í stöðunni og halda henni kyrrð í 2-3 mínútur. Í hverri stöðu gefst tækifæri til að opna í stutta hugleiðslu og kennslan er tvinnuð við grunnatriði núvitundar. Iðkunin skapar djúpa hlustun á líkamann og hans mörk, því öll nálgun er út frá mildi og virðingu við eigin skynjun - að treysta sér og þjálfa að velja það sem virkar vel fyrir sig. Í Yin yoga getur losnað um staðnaða orku og tilfinningar, létt á spennu og opnað fyrir flæði.
Í upphafi tímans er boðið upp á kakó/te og slökun í lokin.

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í morgunjóga æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun og næringu.

Í þessum tíma er lögð áhersla á að finna meðvitund um eigin líkama og líðan og markmiðið er að ná djúpri slökun. Í byrjun hvers tíma er boðið upp á cacao eða te og athyglinni og öndun beint að líkamstöðum sem opna og hreyfa við orkuflæði líkamans. Við slökum á inní stöðurnar og öðlumst um leið meðvitund um eigin líðan og tilfinningar. Síðan er leidd liggjandi djúpslökun þar sem gefst tækifæri til þess að sleppa takinu á því sem við þurfum ekki lengur og með eftirgjöf er hægt að næra líkamann með nýrri orku. Spilað verður á Gong og kristalskálar í slökuninni.

Tíminn hefst á 100% hreinu súkkulaði þar sem við stillum okkur inn á við og leyfum kakóplöntunni að umvefja okkur og leiðbeina. Eftir það taka við mjúkar en áhrifaríkar jógaæfingar sem undirbúa röddina og líkamann fyrir möntrusöng. Möntrusöngur er mjög áhrifarík iðkun til að finna fyrir meiri vellíðan og upplifa samhljóm. Iðkendur kynnast og læra inn á eigin rödd í gegnum aldagamla texta á Sanskrit og stundum íslensku. Í samsköpun verður til einstakt rými þar sem möntrusöngurinn fær að hreyfa mjúklega við staðnaðri orku og losa um stíflur í líkama og taugakerfi. Tíminn endar á stuttri slökun.

Áhrif söngs er mikill á líkamann, taugakerfið, huga og anda. Mantra þýðir frelsi hugans og er ótrúlega öflug leið til þess að komast í hugleiðsluástand og ferðast handan takmarkana hugans, út úr áhyggjum og ótta og inn í æðruleysi og frelsi. Kyrjaðar verða frumsamdar möntrur ásamt möntrum frá öllum heimshornum. Tíminn hefst á kakó eða móa tei og endar á djúpslökun.

Í QiFlow tímunum nýtum við austurlenska þekkingu til þess að hjálpa okkur að tengja inn á við og halda eða öðlast meira jafnvægi. Tímarnir byrja í ró með tebolla en þaðan færum við okkur í hreyfandi hugleiðslu og nýtum líkamann og ásetning til að losa um staðnaða orku með flæðandi hreyfingum.
Stuðst er við qigong, hugleiðslu, öndunaræfingar og QiFlow sem eru nokkurskonar endurteknar flæðandi hreyfingar. Einnig fléttast austurlensk fræði inn í tímana með þrýstipunktum, sjálfsnuddi og hljóðlosun ásamt fleiru sem hjálpar til að öðlast jafnvægi. Tíminn endar á slökun og tónheilun.

This is a yin yoga inspired restorative class, with a focus on breath, relaxation and release. The session always begins with cacao or tea, followed by soft movement and long restorative poses, then ends with deep relaxation accompanied with live music.

Við eigum það til í hraða samfélagsins að hreyfa okkur af mikilli ákefð. Stundum þannig að við hunsum merki líkamans og förum yfir mörk hans. Í samveru með áherslu á líkamann æfum við okkur að hlusta á, virða og elska líkamann eins og hann er. Þannig þjálfum við betri tengsl við hann í allri iðju og iðkun sem við tökum okkur fyrir hendur. Við styðjumst við hugleiðslu, öndunaræfingar, mjúka hreyfingu, úthaldsæfingar, slökun og möntrusöng. Við hefjum tímann á 100% hreinu kakó eða móate sem inngang að dýpri hlustun og næringu.

We begin class with a relaxing cup of cacao and some simple mantras. Each class contains a mini Satsang or spiritual teachings sprinkled with humour and full of heart that is relatable to one’s life. We end class lying in relaxation while receiving the healing power of sound vibrations of Gong.

Flæðandi yoga-æfingar, kröftugar öndunaræfingar og spunadans. Hvert og eitt fær frelsi til að fara sína eigin leið með því að tengjast líkamanum, efla ímyndunaraflið og hlusta á innri takt með skynjun að leiðarljósi.
Í kakókrafti er áhersla lögð á að finna frelsið í flæðinu, losa um spennu, bæta liðleika og úthald, beita sprengikrafti, finna sátt í eigin líkama og fá útrás í öruggu andrúmslofti.

Í þessum tíma er allt leyfilegt og ekkert rétt eða rangt. Tíminn endar á möntrusöng, hugleiðslu og slökun.

Boðið er upp á kakó & te í timanum.

Fjölbreyttar líkamsæfingar með áherslu á líkamsvitund, liðleika og styrk. Nálgunin einkennist af forvitni og hlustun og fléttar Áróra saman bakgrunn sinn úr heilbrigðisverkfræði, yoga og ýmsum nýrri fræðum líkamsþjálfunar til að bjóða heildræna nálgun á iðkunina.

Hér heiðrum við áttirnar og vættina og biðjum fyrir vernd, friði og öryggi. Við tengjumst fögnuðinum, hver og einn á sinn hátt, sama hvar við erum stödd í lífinu. Tónlistin, kyrrðin og slökunin er aldrei langt undan. Við hefjum stundina á kakóbolla eða móatei.

Í þessum tíma virkjum við heilunarkraft líkamans og gefum honum leyfi til þess að slaka á í öruggu rými Móa eftir annasama viku.

Hér blöndum við saman aðferðum Reiki heilunar með handalögnum á eigin líkama, yoga nidra æfingum og tónheilun í þeim tilgangi að róa hugann, efla hjartað og núllstilla líkamann.
Tíminn hefst á 100% hreinu kakó og/eða Móate.

Hugleiðsla, mjúk hreyfing, djúpslökun, tónheilun og tenging. Ferðumst með andardrættinum inn í kyrrðina. Stundin hefst á kakóbolla eða móatei.